Informohuni para se të vendosni
çfarë do të hani!
“Kompania ‘Lufra’ është investim bashkëkohor europian, ku produkti nuk manipulohet. Qumështi që marrim në treg është me risk të lartë, mund të ketë baktere dhe si konsumator nuk e dimë nëse është me brucelozë. Kompania jonë punon që nga fermeri, për higjenën e mjeljes dhe deri në fabrikë. Konsumatori është i rrezikuar kur blen produkte në vende të pakontrolluara, kur kalon shumë orë në trotuar dhe në temperatura të larta, ngarkesa bakteriale është në mbi 5 milion. Po ashtu, mosndalimi i tregtimit të qumështit asnjë ditë, i bie që lopa s’ka bërë vaksina, apo nuk është sëmurur asnjëherë. Në kompani kemi të punësuar fermerë që merren me trajnimin e fermerëve të tjerë”- shprehet Znj. Antoneta Ndreka gjatë intervistave për informimin e publikut.
Znj. Ndreka tha se problem është fakti së veterinerët nuk e dinë rëndësinë e antibiotikut tek kafshët, e cila ndikon drejtpërdrejtë në qumështin e konsumuar nga qytetarët.
“Ka patur raste kur edhe vetë fermeri nuk e di rëndësinë e antibiotikut, madje deklaron se qumështi që shet është ai që e konsumon edhe vetë. Kishim një rast kur qumështi doli me antibiotik, fermeri i kishte mjekuar lopës thumbrat sepse i kishte me infeksion, gjë që reflektohet në qumësht. Sot, mund të themi se ka më pak fenomen të shitjes së qumështit në rrugë. Konsumatori duhet të jetë i përgjegjshëm për të blerë produkte të kontrolluara. Në fabrikën tonë kemi mjetet për largimin e 95% të baktereve të qumështit. Një këshillë kisha për të gjithë konsumatorët që të mos blejnë produkte në rrugë, por në kompani që kanë përgjegjësi për ju”- deklaroi Znj. Ndreka në një emision për ndërgjegjësimin e qytetarëve.
Rregjistrohu
Rregjistrohu në buletinin tonë informativ për tu informuar rreth të rejave të fundit, kuriozitete dhe publikime nga kompania ”Lufra”.