Tetori Rozë në Lufra – Një muaj për ndërgjegjësim, forcë dhe jetë
Në kuadër të muajit të ndërgjegjësimit për kancerin e gjirit, Lufra organizoi një aktivitet të veçantë në zyrat qendrore në Lushnjë, duke bashkuar zonjat e fermave bashkëpunëtore, punonjëset e prodhimit dhe stafin administrativ në një ditë reflektimi, informimi dhe mbështetjeje reciproke.
Në këtë aktivitet mori pjesë edhe Dr.Monika, e cila ndau me të pranishmet informacione të vlefshme për shkaqet, shenjat e para dhe rëndësinë e kontrollit të hershëm të kësaj sëmundjeje. Bisedat ishin të sinqerta, frymëzuese dhe plot emocione, pasi shumë prej zonjave ndanë histori personale dhe mesazhe të forta shprese.
Ky takim u shndërrua në një moment të bukur bashkimi mes grave të Lufrës, atyre që punojnë çdo ditë në fermat e qumështit, në linjat e prodhimit dhe në zyrat e kompanisë duke treguar se kujdesi, forca dhe dashuria për jetën janë pjesë e vlerave që Lufra mbart prej vitesh.
Në fund të ditës, mes buzëqeshjesh dhe përqafimesh, u përcoll një mesazh i qartë për të gjitha gratë:
“Kontrolli i hershëm shpëton jetë. Kujdesu për veten, sepse jeta është dhurata më e çmuar.”
Lufra mbetet e përkushtuar jo vetëm ndaj cilësisë së produkteve, por edhe ndaj mirëqenies së komunitetit dhe shëndetit të çdo gruaje, duke e dëshmuar sërish misionin e saj për të ndërtuar, Një jetë plot të mira!
Rregjistrohu
Rregjistrohu në buletinin tonë informativ për tu informuar rreth të rejave të fundit, kuriozitete dhe publikime nga kompania ”Lufra”.